جريدة شعراء الغربة

Azza Ahmed

بدون انزار
..................
حُبه دخل ... قلبى ... بدون انزار ...
بنادى عليه ... كده ... ليل و نهار ...
أصل حبيبى ... شغّال ... فى مطار ...
شغلنى بحبه ... و سابنى ... و طار ...
..........................

..........................
بس انا ... قلبى ... ليه ميّال ...
هعدى له ... بحور ... و جبال ...
و هروح له ... بلاد ... تركب أفيال ...
وف اى جريده ... هكتب له ... مقال ...
..........................

..........................
و هقول له ... تعالى معايا ... وعيش ...
دنا قلبى ... بينغبش ... نغابيش ...
و بحبك قوى ... زى ... القراقيش ...
و اعمل فيها ديك ... و انفش لى ... الريش ...
.........................

.........................
و ان يوم ... زّعلتك ... ابقى ادبحنى ...
بس تعالى ... معايا ... و ريّحنى ...
ده انت ... غُنايا ... و انت لحنى ...
و انت الضحكه ... اللى تفرّحنى ...
........................
عزة احمد