…… (العيد فرحة)…… .
العيد فرحة وبعدها فرحة
يعني العيد عندنا فرحين
فرحة مسلم بعد صيامه
زكى وصلى وقال يا معين
طلب من ربه كمان غفرانه
بعد قيام تسعة وعشرين
والقرآن كان كل كيانه
ألف لام ميم يعني بثلاثين
والأخلاق كانت بتزينه
يعني كسبان دنيا ودين
بالخير زارع من فدادينه
كل ما يملك أرض وطين
يعني حصاده الناس عايزينه
والفرحة فى رضا الوالدين
يعني الفرح الناس ﻻبسينه
والعيد فرحة على الصايمين
اللي اتوضا وصلى صلاته
وطول الوقت مع الطايعين
واللي يقدم قبل مماته
واللي يحارب ف الظالمين
بفرح فرحة وبعدها فرحة
والعيد عنده كمان فرحين
……… (شعر)……… ..
عبدالله السايح
ليست هناك تعليقات:
إرسال تعليق