واااه يا ابو عبد الودود
يا صانع الخلود
لساهم الاعادي
واجفين لنا ع الحدود
لسه عينيهم علينا
و احنا رمز الصمود
لو هوبو نواحينا
حنقيم بعضامنا سدود
صرخة اصغر ما فينا
تقتل ولا البارود
كيفك يا بوي و كيفها
الي ملازمني طيفها
الغاليه ام الجنود
بلغ لها السلام
و جول للخال امام
ولد اختك و زملاته
خطاويهم للامام
ميعرفوش رجوع
ولا للخلف در
ما رضعوش الخضوع
شاربين من صدر حر
و خلاصة الكلام
لينا قائد همام
الكلمة منه سيف
و احنا وراه جموع
و جولها يا غاليه
اواعكي و الدموع
لو يوم قالولك ولدك
خلاص ملوش رجوع
خليني ااموت بكرامه
و جولولي مع السلامه
ده انا مش رايح بعيد
يا مايا دي الجيامه
يوم عيد علي الشهيد
و اصلب طولك يا بوي
و امانه تجول لاخوي
دورك هناك موجود
البس بيادتك و الحج
مكانك ع الحدود
و اجري استلم سلاح
اخوك عبد الودود
* دوللي السيسي
ليست هناك تعليقات:
إرسال تعليق