جريدة شعراء الغربة

Tamer El Nakip

منيش كارهك
بقلم تامر النقيب
_________________
نفسى اكتب عن عيونك
وأكون إزاى أنا دونك
دة أنا عاشقك ومجنونك
وبسهر ليل

ليالى الحب وياكِ
بتتحايل على حضنى
أدفيها ...... وأرويها
ولو بعدك عليا زاد
بشوف الويل

أنا اللى بخاف اوى بعدك
دة انا جوة الرموش كحلك
وانا الراسى على صدرك
كما مراياتك كما عطرك
وانا المحبوب
وليكِ دليل

بحسك زى طير طاير
وماشى بغنوته حاير
وفارش عشقه بستاير
لكنه ذليل

يغنى وهو م الداخل
بقى مجروح
لا عمرى هكرهك ثانيه
و بيكى بعشق الدنيا
يمين بالله أنا ف بعدك
مريض وعليل

بتبكى ليه ماتبكيشى
أنا جمبك ما همشيشى
دة إنتِ ملحتى وعيشى
أدوق المر من بعدك
ولو أسهر وحدى ياحبيبتى
بحضن الليل

ومالو لما يلومونا
يقولو كلام ميحصلش
وبعيونهم يتابعونا
ونسهر ليلنا مانمش
دة لما بتطرح الشجره
ثمار لامعه
بيكتر فيها حدف الطوب

وانا وإنتِ شجر طارح
ومن طوبهم ضاربونا
متنشغليش انا الغاوى
وانا سحرك وأنا الحاوى
وانا بلياتشو ع المسرح
شاعر بربابه وغناوى
وأنا ضلك فى عز الحر

وأنا شطك وطوق ع البر
بحبك حتى أخر العمر
ولا هرضى سواك بديل

قالولى زمان بأن الحب
ده حكايه ماتكملشى
فقولت أروح أنا وياه
وجوه سكته همشى
وأول خطوه أنا شوفتك
ماشوفتش يومها أنا وشك
لكن حسيت دفا قلبك
بقيتى بقلبى وبرمشى
وليكِ بغزل المووايل

مشيت وياكِ مش خايف
وبعيونك أنا شايفك
عشقتينى ما انا عارف
وحبى ليكى مش زايف
أنا بحبك حبيبتى قتيل
انا جايلك عشان أسمع
جواب ردك
ومش هقبل تقولى ابعد
ما أنا صدك
ده أنا جايلك أشيل عنك
وأبدل فرحتى بهمك
وأكون والله أبوكى وأمك
وأتعب بس ترتاحى
ولو هتزيدى بجراحى
ولو هحفر أنا بالصخر
وأشوف ضحكه
بتشفى عليل

منيش كارهك
ولاعمرى هكون كارهك
أنا هبقى دفا حضنك
ولون شعرك
وأكون البسمه بشفايفك
طب أعمل إيه
بقيتى بتجرى جوايا
وفرحى وضحكى وبكايا
وكل لحظه ويايا
بحلم جميل
________________________
تامر النقيب ____من مؤلفاتى وليس منقولا