جريدة شعراء الغربة

الشاعر سليمان خطاب

كنَّا زمان
/////////////////////
كنَّا زمان
جوَّا عيون الارض
نِبات
نصحا نلاقى الضله
بتضحك
جوَّا الضحكه
سبع نخلات
عصفاير
تزرع كف النسمه
مليون بسمه
ترسم قلب السما
فراشات
نجرِي
نعبِى السكة خطاوِى
قُله قناوى
تجرى ف قلب الريق
مسافات
ساقية بتفرش
جنب الترعه
غاويه تعاكس
ف الزلعات
تغزل وش الفجر
قنايه
ترمى ف عين الكحله
صبايا
وتحدفنا
برَّا الاوجاع
تجمعنا
ريحة النعناع
والمطرة
أم ضفاير فضة
ف قلب غِيطانا
بتتوضا
وان جُعنا
بلقمة بتتقضَى
وان تاه الحلم بنتلاقَى
مع كنكة شاى
وطيور ع التوته بتتمايل
على الصوت الناى
كنا زمان
************************************************
كلمات الشاعر : سليمان صالح احمد ( سليمان خطاب )