جريدة شعراء الغربة

رافت يوسف‏ 

،،،،،،،،،،،،،،،،،،،،،،،،،،،،( بيسألوني ياوطن ) ،،،،،،،،،،،،،،،،،،،بقلمي/رافت يوسف
بيسالوني ع الوجع
وليه بتكتب
ع العذاب

وليه حروفك ع الوطن
دايما وجع تفتح بايدك
كل مره للالم
يجي الف باب ،،،،،

وليه مصمم ع السكن
في وسط امه ضميرها
غاب...

وليه حروفك تندهك
في عز نومك
قلق مصاحبك
ع التراب،

وليه مافلحت هجرتك
من وانت في عمر
الشباب

وليه وليه الخيبه
علي حلم العروبه
والانتماء
جراك لفجر خفيه
ضباب ،

هو انت مابتشبع وجع
كل الحروف
جواك ياشاعر
بالاسي
فرحك قطعله تذكره
مافيهاش اياب

امتي انينك
ووجع سنينك
والخوف علي
ارضك ودينك
هايكونله في حروفك
ذهاب،

لساك بتحلم
بالربيع والفجر
والليل البديع
لساك حزين
وتاريخ جدودك
من سنين شايف
رجوعه اليك
سراب ،،

لساك مرابط
ع التراب حب الوطن
ارض العرب
شغلاك تملي
عن حياتك
والهدوء والعيشه
وسط الناس
واهلك والصحاب ،،

اصحي وفوق
حلم العروبه
بيتقتل
والشمس في
كل البلاد دا
نورها غاب

واتنحي
في الضلمه الشروق
والدم سال
والطفل جاع
واتشرددت
كل الثكالي
من بعد ماراحوا
الرجال
روح الشهامه
في طريق
الانسحاب ،،

الحلم في حروفك
سراب ،،،،،،،

الغزو مش بس
بارود
ولا صوت
رصاص ،
الغزو فكر بيتفرض
علي عقل اخويا
وعقل اخوك
وهويه بتضيع
من ايدين اشخاص
مابينا
ع التراب ...

ضميرها راح ودع
وغاب،،

عارفين حاملني ليه
وجع
وحروفي مخلوطه
بعذاب ،،

علشان
وطن بيضيع فساد
وضمير بيرحل
م البلاد ،
وحلم العروبه بين
ايدين كل الولاد
صاحبه العناد ،
اوطانا تاهت
بين ضماير شعبها
والامركه
غطت عقول ولدها
حلمك وبدلته
بسراب

هاستني فيك
ياحلم
ودع الرجال
لسه الحروف راح
تتكتب
والدم عربي
بين وريدي ورحيلي
من وسط العرب دا
م المحال ،،
لسايا حر ،
لسايا عايش ع الامل
وسط النيام
ولابد يوم
ترحل هموم كل
الوطن رغم
العذااااااااااب

بقلمي/رافت يوسف
3/11/2015