توت حاوي حاوي توت
وسع للدشناوي يفوت
قرب مني واسمع فني
راح ترتاح وتقوم مبسوط
مش راح أدندن ولا راح أغني
أنا طول عمري ردئ الصوت
هي قصيدة جديدة هاقولها
إسمها قولته أنا ف أولها
وانا باتزاحم بينكوا وافوت
إسمها توت حاوي توت
توت حاوي يا حول الله
ولا فيش قوة إلا مع الله
واللي يقدم شيئ بيداه
لازما حتما راح يلقاه
خلي لسانك دايما ذاكر
طهر قلبك من جواه
خليك حامد خليك شاكر
وادعي لربك تبقي معاه
زيد في الدعا بخشوع وقنوط
دانت معاك رب الملكوت
توت حاوي حاوي توت
توت حاوي وعلي التون
كلمة إتقالت كن فيكون
لو مش قادر عنها تدافع
اسأل ربك رب الكون
هو لوحده وبس الرافع
يرفع عنها بلاء صهيون
يصرف عنا كيد الخادع
زي ما غرق كيد فرعون
زي ما رفع الطور من فوقهم
خسف الأرض بملك قارون
وبعت غضبه لأمة لوط
توت حاوي حاوي توت
توت حاوي إهتفوا ياولاد
أمجاد ياعرب أمجاد
إحنا اللي الإسلام جمعنا
وبيجمعنا حرف الضاد
والله كلامنا دا مالهوش معني
ذلنا موروث م الأجداد
كانوا ينادوا يقولوا الوحدة
بس قلوبهم بينها بلاد
كانوا بيزرعوا فينا الفرقة
كانوا بيملوا قلوبنا أحقاد
باعوا فلسطين وقت الأزمة
واحنا بدأنا خلاص نتعود
الأقصي بيداس بالجزمة
والقدس بحالها بتتهود
واليمن اللي ما عادش سعيد
ضاعت بغدادك يا رشيد
سوريا الكل بيحرك فيها
ليبيا بتولع سيبها بعيد
مصر وبس المولي حاميها
طول ماهو جيشها عزمه حديد
أمة الفرقة بتنهش فيها
سنة وعلوي ودرزي وشيعة
أمة عبيطة وأمة سفيهة
أمة بقت أحوالها فظيعة
قال ويقولك قاعدة وداعش
مش قادرين علي حبة واغش
أمرنا والله يا خلق غريب
بدل المجد ما كان لبلادنا
صبح المجد لتل أبيب
واحنا بإيد بعضنا بنموت
توت حاوي حاوي توت
توت حاوي وكان ياما كان
كان فيه أمة عظيمة زمان
كان ليها رفعة وكان ليها شان
أمة بناها نبينا محمد
علي أركان سنة وقرءان
قال وبحبل الله تعتصموا
لكن هنا وديننا إتهان
توت حاوي وكان ياما كان
والله يا أمة لمجدك بايعة
وأرضك ضايعة وأمرك كان
والله بقيتي فريسة وسهلة
جوا سنان الأمريكان
ظهر الندل الطامع فيكي
كان طول عمره وعينه عليكي
جابلك سم يموت فيكي
نقطة ف نقطة كان يسقيكي
حفر القبر وجهزه ليكي
ومجهزلك عنده تابوت
توت حاوي حاوي توت
توت حاوي خمسة ف ستة
قسموا بيننا 30 حتة
جابوا القصعة وسنوا سنانهم
فاكرين فيها لحمة وفتة
أصل لقونا لحم رخيص
بس المصري ماهوش واد سيس
ولاهوش هامبورجر وسوسيس
من أيام خوفو ورمسيس
واحنا نطلع دين إبليس
أيوة عرب بس إحنا فراعنة
عندنا مجد خصوصي بتاعنا
واللي يفكر بس يفكر
إنه يقسم ويقطعنا
راح يتدمر راح يتكسر
يلقي ف أرض النيل اللعنة
ونشربه من كاس الموت
داحنا ولاد توت عنخ آمون
ونفرتاري وحتشبسوت
توت حاوي حاوي توت
هشام الدشناوي
3/11/2015
وسع للدشناوي يفوت
قرب مني واسمع فني
راح ترتاح وتقوم مبسوط
مش راح أدندن ولا راح أغني
أنا طول عمري ردئ الصوت
هي قصيدة جديدة هاقولها
إسمها قولته أنا ف أولها
وانا باتزاحم بينكوا وافوت
إسمها توت حاوي توت
توت حاوي يا حول الله
ولا فيش قوة إلا مع الله
واللي يقدم شيئ بيداه
لازما حتما راح يلقاه
خلي لسانك دايما ذاكر
طهر قلبك من جواه
خليك حامد خليك شاكر
وادعي لربك تبقي معاه
زيد في الدعا بخشوع وقنوط
دانت معاك رب الملكوت
توت حاوي حاوي توت
توت حاوي وعلي التون
كلمة إتقالت كن فيكون
لو مش قادر عنها تدافع
اسأل ربك رب الكون
هو لوحده وبس الرافع
يرفع عنها بلاء صهيون
يصرف عنا كيد الخادع
زي ما غرق كيد فرعون
زي ما رفع الطور من فوقهم
خسف الأرض بملك قارون
وبعت غضبه لأمة لوط
توت حاوي حاوي توت
توت حاوي إهتفوا ياولاد
أمجاد ياعرب أمجاد
إحنا اللي الإسلام جمعنا
وبيجمعنا حرف الضاد
والله كلامنا دا مالهوش معني
ذلنا موروث م الأجداد
كانوا ينادوا يقولوا الوحدة
بس قلوبهم بينها بلاد
كانوا بيزرعوا فينا الفرقة
كانوا بيملوا قلوبنا أحقاد
باعوا فلسطين وقت الأزمة
واحنا بدأنا خلاص نتعود
الأقصي بيداس بالجزمة
والقدس بحالها بتتهود
واليمن اللي ما عادش سعيد
ضاعت بغدادك يا رشيد
سوريا الكل بيحرك فيها
ليبيا بتولع سيبها بعيد
مصر وبس المولي حاميها
طول ماهو جيشها عزمه حديد
أمة الفرقة بتنهش فيها
سنة وعلوي ودرزي وشيعة
أمة عبيطة وأمة سفيهة
أمة بقت أحوالها فظيعة
قال ويقولك قاعدة وداعش
مش قادرين علي حبة واغش
أمرنا والله يا خلق غريب
بدل المجد ما كان لبلادنا
صبح المجد لتل أبيب
واحنا بإيد بعضنا بنموت
توت حاوي حاوي توت
توت حاوي وكان ياما كان
كان فيه أمة عظيمة زمان
كان ليها رفعة وكان ليها شان
أمة بناها نبينا محمد
علي أركان سنة وقرءان
قال وبحبل الله تعتصموا
لكن هنا وديننا إتهان
توت حاوي وكان ياما كان
والله يا أمة لمجدك بايعة
وأرضك ضايعة وأمرك كان
والله بقيتي فريسة وسهلة
جوا سنان الأمريكان
ظهر الندل الطامع فيكي
كان طول عمره وعينه عليكي
جابلك سم يموت فيكي
نقطة ف نقطة كان يسقيكي
حفر القبر وجهزه ليكي
ومجهزلك عنده تابوت
توت حاوي حاوي توت
توت حاوي خمسة ف ستة
قسموا بيننا 30 حتة
جابوا القصعة وسنوا سنانهم
فاكرين فيها لحمة وفتة
أصل لقونا لحم رخيص
بس المصري ماهوش واد سيس
ولاهوش هامبورجر وسوسيس
من أيام خوفو ورمسيس
واحنا نطلع دين إبليس
أيوة عرب بس إحنا فراعنة
عندنا مجد خصوصي بتاعنا
واللي يفكر بس يفكر
إنه يقسم ويقطعنا
راح يتدمر راح يتكسر
يلقي ف أرض النيل اللعنة
ونشربه من كاس الموت
داحنا ولاد توت عنخ آمون
ونفرتاري وحتشبسوت
توت حاوي حاوي توت
هشام الدشناوي
3/11/2015
ليست هناك تعليقات:
إرسال تعليق