جريدة شعراء الغربة

محمد حجاج

هيعوضونى

ابنــــــى اللى اتصعق
روحه فى السما هايمه
طالبــــــه القصــــاص
من كل نــدل جبـــان
ما شفش شغله بإخلاص
استهتربأرواح النـــاس
يا ناس بطلواالإهمــال
اللى كلفنى حياة ابنى
ابنى خرج بعد المطر
بيـــوميـــــــــــــــن
الشارع كله محل وطين
خـــــاف يتزحلــــــــق
ويغــرق ف الميـــــه
عمــــــود الكهربـــــا
واقــف فى حالـــــــه
الواد راح للعمود
وسنــــد عليـــــه
التيــــار صعقه
يبقى العمود غلطان
طبعـــــا ..لأ
مين الغلطان
العمـــــود
ولا الميـــه
ابنى هو الغلطان
هاتوه وأناأأدبـه
ابنى غلط
ومسمعش الكلام
هاتوه .وأناأقوله
ماترحش ناحية
العمــود تــانى
ورغم إنه غلط
ومسمعش الكلام
هيعـوضونــــى
كتــر خيرهـــم
هيعـوضـونـى
هيعوضونى عنك
يانــــور عيونى
بكام ملطــــوش
هيعــوضونـــى
أطفــى بيهـــــم
نـــــارقلبــــــى
ونزيف عيونى
ولايكتمـــــــوا
صرخــةأمــه
ف انصاص الليالى
بقلم:محمد حجاج