جريدة شعراء الغربة

     Talia Amr                                                                                        و لحد اليوم
انا لسه باشوف ف سمايا غيوم
و باشوف اطفال ف عنيها حاجات
و وجع مسجون و هموم و سكات
و ايدين تتمد على المجهول
من غير ما تقول محتاجة لايه
و لا بتشوف حلم و تجرى عليه
ماهو لما الحلم يكون ممنوع
و عيونك تملا الضحكة دموع
و اما انت تكون حبة خيالات
و تخاف م الفرد و م المجموع
يبقى الاخر فعلا قرب
و القيد فى ايديك قرب ينهار
و الليل اللى مخيم جواك
متأكد ان الجاى نهار
و انين الفجر ابو صوت مخنوق
حالف ليروق و يلاقى مسار
و الجرح ف روحك رغم الخوف
حتما هيطيب .... فبلاش تحتار

‫#‏فهمى_على‬