جريدة شعراء الغربة

الشاعرعبدالله السايح

……… (نفس المكان)…… ..
الشمس غابت
والدنيا تاهت فى الغيوم
والنجم هابط
والقلب منهوك بالظنون
والأرض دابت
مابقتش تنبت غير جنون
والمطره خابت
ماتت عيدان الزيزفون
وانت ياقلبي فى الهوى
ماعرفت يوم لمين تكون
تاهت رياحك من زمن
ودفتك محتاجه عون
بعت الشراع من غير ثمن
مركب ونقصاها العيون
هبت رياح كل المحن
كل المواني قفله الجفون
ورميت مرساك وسط الفتن
وشربت كاسات المجون
كل اللي فيك لحظه إتفتن
جدفت محتاج للسكون
لفة ودارت مركبك
نفس المكان مرساك تكون
…… ..(شعر). …… ..
عبدالله السايح