جريدة شعراء الغربة

حسن دنقل أبوأدهم‏ مع ‏شاذلي دنقل‏ و‏‏8‏ آخرون‏

(ماتزعلش)
ماتزعلش يابلدى 
وانتى محرومه
شاربه كاسات المر
منهم ومظلومه
لميتى كل الاسى
وعايشه مجبورة
رواكى دم بشر
والدايرة محكومه
والعدل فيكى كسر
والظالمه مظلومه
نفسك تكونى شباب
بس الاسى شابك
مركونه جنب الباب
وضيعوا ولادك
ساكته ومقهورة
والهم فيكى جبال
كتفوا صوتك
وقيدوه بحبال
غلوا الهوى فيكى
والصبر بالأحمال
القلب مات وأحتضر
والسم بالالوان
سموا أراضيكى
ورشوا فيها نبال
دمعه على خدك
تغرق الاجيال
قومى حماكى الله
ياما شلتى جبال
مهما الزمان يأسى
حايجى يوم وميعاك
ناسك يحبوكى
بالفعل والأمجاد
ويعرفوا العيب فيهم
وفشخرة حكام
وكرسى غاريهم
وماقطوعين أفعال
وماتزعليش يابلدى
بكرة الامل حايبان
والكره مش فيكى
والله فى الأفعال
الكل ناسيكى
بيفكروا فى دولار
وماتزعليش يابلدى
*حسن دنقل*