ليالي خيالي للكاتب طارق السيد

ليالي خيالي
يابو العيون السود 
والسحر فى النني
والرمش سارح جارح
بالكحل متحني
والخد لون تفاح
والغمزة رباني
وسنان لون اللولي
والضحكة عاجباني
ولا جمال العود
لومال يجنني
على نغمة رق وعود
يرقص وبيغني
والشعر إسود سايح
من نسمة بيهفهف
كأنه طير مالفرحة
بجناحه بيرفرف
كل مابص في عينها
روحي تروح مني
أرجع واغمض عيني
لعنيها تسحرني
ده حبيبي ياقلبي جماله
ذايد على حده
والقلب لو راح يعشق ..
يعشق على أده
ليه بس عشقت ياقلبي
عيون ست الحلوين
كده برضه تحبه ياقلبي
وتشمت اللايمين
هنعيش على طول أنا وانت
في عذاب وشوق وحنين
تداويني ولآ اداويك
طب مين هيداوي في مين
بقلم طارق السيد