على بابه للكاتب فهمي علي

** على بابه **
لما حاجات جواك تتحول 
بعد البسمة ... لتوهة و جرح 
لما تخاصم روحك روحك 
لما يموت جواك الفرح 
لما الفجر يخاف يطلعلك
او يتدارى فى ضلمة ليل
لما تحس الشوف فى عيونك
بقى مش لاقى لبكره دليل
لما تحس انك ... مش انت
و وجعك ساجنك فى المجهول
و الايام رافعالك سيفها
فى لحظة موت عمالة تتطول
اجرى على اللى دارى بك و ابكى
و ارمى الوجع المر فى كفه
و اشكى و فضفض .. و احكى و قول له
و اوعى دموعك فيك يتخفو
بوح ما تخافشى و سيب احاسيسك
تحكى بدالك لحظة تنسى
هو هيسمع صوتك جدا
و عشان حبك عمره ما يقسى
هتلاقى عنده دواك مستنى
انك بس تروح على بابه
فيه ترياق ... لقساوة الدنيا
ربك شايله عشان احبابه
بقلمى : فهمي علي

أعجبني

أحببته

هاهاها

واااو

أحزنني

أغضبني