جريدة شعراء الغربة

صلاح الشاعر

من أشعار شاعر العاميه صلاح على (صلاح الشاعر )
أنت أتغيرت خالص
أنت أتغيرت خالص
أنت مابقيتش خالص
باقيت ف الكدب بارع
باقيت خاين مخادع
وياريت حتى حاسس
أنت أتغيرت خالص
غلطه منى جايز
حاولت وكنت عايز
أصلح دايمن ولكن
لاقيت الطبع ساكن
وف جرحى كنت هايص
أنت أتغيرت خالص
لما دموعى هانت
وبنظرة غدر بانت
ساعتها قولت أحاول
أعدل اللى مايل
وانت ف الظلم دايس
أنت أتغيرت خالص
ليه يازمان العجايب
ماليش ف الضحك نايب
تفارق وللا تخاصم
تفرق أيه يالايم
خليك ياعذاب مآنس
أنت أتغيرت خالص
تحياتى صلاح على (صلاح الشاعر )