جريدة شعراء الغربة

الشاعر نادر المغلوب

!!_ _ _!__مبيشفوش__!_ _ _!!

مبيشفوش في ناس كتير مبيشفوش

إن الألم جوانا مخفي في الوشوش

وإن الهموم في الصدر ساكنه
والناس علينا مبيرحموش

بيحسدوني لإني عايش
ميعرفوش من جوا هايش
وللأذيه مبسكتوش

كرهت نفسي ومن حياتي ومن ناس راحتها في العذاب

من ناس تشوفها تقول ملايكه ولايملي عينها غير تراب

تنادي ليهم يسمعوك
ويحسسوك إنك ضباب

لو إحتجتهم يستغنوا عنك
وإنت ليهم ميعرفوش

مبيشفوش في ناس كتير مبيشفوش
إن الألم جوانا مخفي في الوشوش

حرام عليكم يالي مني
حرام عليكم مش كدا

في فرحكم تستغنوا عني
وفحزنكم أبقي العدا

خليتوا دمعي حزين يغني
وإنتوا ليه مبتسمعوش
مبتشفوش

مبيشفوش في ناس كتير مبيشفوش

إن الألم جوانا مخفي في الوشوش

وإن الهموم جوانا ساكنه
وناس علينا مبيرحموش
يارب حوش