جريدة شعراء الغربة

‏Aboalwafaa Abozayd‏

مش هارجع

مش هارجع في كلامي معاكي…. مش هاندم اه يا قلبي معاك
دوبت وتوهت خلاص في هواكي… مش هاكسف اه ياقلبي هواك
مش هارجع ولا يوم هاتردد……. ولا هاندم ولا عنك هابعد
قلبي وعدت.. ولما بتوعد
لازم اوفي الوعد معاك

قلت بحبك وانا اديها… بكل مافيها من احساس
وبحور الدنيا اعديها… لوقلت هاعديها خلاص
وتصدقي لو قلت هاجيلك
واخطي الصعب واعديلك
مش هارجع ولا يوم هاتردد……. ولا هاندم ولا عنك هابعد
قلبي وعدت.. ولما بتوعد
لازم اوفي الوعد معاك

قلبي هواكي وقالي اقولك…. عمره ف يوم ماهيعشق غيرك
وانا عن قلبي ونفسي بحبك… ما ارضي لقلبي في حبه بديلك
وانا اد الكلمه ومعانيها
ولا يوم عمري راح ارجع فيها
وان قلت هسيب الدنيادي
وهاعيش في عينيكي ولياليها
مش هارجع ولا يوم هاتردد……. ولا هاندم ولا عنك هابعد
قلبي وعدت.. ولما بتوعد
لازم اوفي الوعد معاك

محمود ابوالوفا