جريدة شعراء الغربة

‏شاعر السلام‏ 

بعنوان (( بعد التحية والسلام )) بقلمى شاعر السلام/محمد عادل سالم (مصر)
*******************************************************
بعد التحية والسلام
امى الاصيلة بالحب والحنان
يا ست الكل لكى منى السلام
حبيتك كتير سهرتى الليالى
وفى وجودك يحلى الكلام
انا هابوس راسك فى كل ساعة
ده الجنة تحت الاقدام
فى عهدك القمر ضحك
وشوفتك حاجة كبيرة فى الاحلام
انتى كل حياتى انا مش هنساكى
يا غالية مهما مر الزمان
امى العزيزة هاكتب عنك
فى اشعارى فى افكارى
وصوتك بيملئ المكان
انتى روحى وبداوى بيكى جروحى
وروحك بتسلم لروحى
ازاى انساكى وانسى كلامك
كان حبى ليكى افضل عنوان
انا بين ايديكى يا املى
طمعان فى حبك وحنانك
طمعان فى نفخة من سلامك
كنت باصحى الصبح على صوتك
وكان نورك بيفتح الزهر فى البستان
سامحينى ان كنت غلطت
بحبك يا امى ومش هانسى فضلك
فى كل شئ انا تحت امرك
امرينى تلاقينى
بين ايديكى كل شئ من حواليكى
بردد باسمك وحبك واصلك
تعبتى كتير فى حياتى
دفعتى تمن نجاتى
كبرتينى وعلمتينى
واتحملتى متاعب حياتى
سلامى ليكى ما يكفيش
انا باتمنى انك ما تسبينيش
خليكى معايا
ده كل احلامك ساكنة جوايا
هافضل احبك لاخر نفس
تحياتى يا امى
تحياتى يا حبى
تحياتى وسلاماتى يا غالية
بحبك يا امى
................بقلمى الشاعر المصرى (محمد سالم )