تنهيدة للكاتب ابراهيم أبو زيد

تنهيدة

دى حبيبتى واسمها كان
وأنا قولت كان ياما كان
حكايتنا كمان من الأول
حكاية وبالألوان...
فينك يا شهرزاد
وميعاد يعدي ميعاد
والقلب معاكى مطوّل
وأنا غارق فى الأحزان...
يا ديار الخلق عمار
وكيانى ليكى ديار
والعشق يا بويا بيدبح
عطشان ليل ونهار...
معقولة حبيبتى حبيبتى؟!
لفيت بلاد وبحيرتى
والخلق دى جايبة فى سيرتى
وبحبك ومش ندمان...
أنا مسافر بقالى سنين
يا أم العيون حلوين
عيونك وخدانى لفين
وأموت فى الضحكة التايهة
دا أنا تايه بقالى زمان...
رحال أنا فى الترحال
وموالى كتير موال
والحال يا بويا بحاله
والناى دبح الألحان...
قالولى قليل البخت
ومن تحت نازل تحت
ورضيت انا بحكايتى
دى حكاية الإنسان...
‫#‏إبراهيم_أبوزيد‬