كان حجر للكاتب بهاء اللبودى

كان حجر
***
يوم ما قولتيلى
بحبك .
قولتى ليه؟!
****
قولتى ليه
ان افتراقنا
مستحيل ...
**
وكنتى ليه ؟!
كنتى ليه
حلوه فعيني
وننها .
نجمه فضه .
طايره فرحه
وفسمايا
لوحدها
******
كنتى الدليل .
اللى فحياتى وقتها
كنتى دليلى
اللى فليلى
بلمسه .

ووقت الرحيل .
خنتى الحنين .
اللى فقلوبنا
سنين محبه
بنغرسه .
حلم صافى
حضن دافى بنحرسه.
خنتى ليه
****
خنتى ليه وعدك لقلبى بالوفا ..
بيعتى ليه حبى اليكى
بدون تمن
وبالرخيص .. قلبى انكسر
قلبى انفطر ..
ويومها قلبك كان حجر
يومها قلبك .. كان حجر
*****
بهاء يسرى
اللبودى