كان حلم جميل للكاتب محمودعبد المتجلى عبد الله

كان حلم جميل وقدرنا نحققه
واولادنا ماتو ا فيها
قدام عنينا وكنا فرحنين
وكنا كلنا نتمنى موته زيهم
وكنا بنفتخر بموت ولادنا
وبالدم الى سال
والفجر شقشق عل الرجال
وبدمهم جانا النهار
والظلم غار
وفرحنا فرحة عمرنا
زى الصغار
وبكينا من كتر السعاده
وغنينا وسجدنا والحزن طار
انا عن نفسى مكنتش مصدقتش
كيف الى صار وكنا دايما فى انتظار
لكن مكناش متاكدين
انه فى يوم يجى النهار
ورحنا انتخبنا ومره تانيه ومره تالته
وفرحنين وعشمنين يبقى انتصار
ونعيش فى عدل وحب من غير غبار
لكن مدامش الحب وطلع العيار
وجات رصاصه فى قلب ثورة
قتلت الوف والوف من نساء ورجال
ملحقناش حتى نفرح
ولا نسرح بحلم جميل كان اتحقق
والليل رجع ظلمه اكتر من الاول
والدم الى سال فى يناير اكتر من الاول
وبدال مانبكى على الشهاء فى يناير
بكينا كتير فى كل ميدان فى دم يسيل
وليلنا طويل ملوش اخر
وشمسنا غابت من الاخر
يناير ايه ده طول العام بقى يناير
وناس تنزف فطول العام بلايناير
وتيجى الذكرى وتحيا الفكره
ونحلم تانى بثوره كانت فى يناير
==============
شعر- محمودعبد المتجلى عبد الله