‏راكب_مجرى‬ للكاتب بهاء اللبودى

‫#‏راكب_مجرى‬
لحظات م العمر تعدى
بتخلى ساعاتك وردى!
ساعة الفرح تفوت
وكأنك راكب مجرى !
****
راكبين المر قطار
والعمر بيجرى فرار.
بزياده يا دنيا مرار
هو انا بينى وبينك تار ؟!
دايما ضدى واقفه تعاندى
دايما يبقى .جوابك رفضى .
صابر ادينى
مستنّى تحنى
حنّى يا دنيا وعندى وهدّى .
***
ولا اقولك ؟!
مش عايز فرح
انا والحزن بقينا صحاب
لما يشق ..افتحله الباب
انا كلمته انا اقنعته .
لما يزورنى ! ميطولشى
خفافى خفافى ..
.. يرحل بدرى.
وهو مقدر ان انا طيب
عمرى فيوم لصحابى ما اخيب .
***
باى باى يا حزن ..سلام يا صاحبى
وابقى تعالى. فيوم كده بدرى
ناخد السهره من اولها ..
بس اوعدنى . انك تمشى .
ومطولشى .
*****
بقلمى:بهاء اللبودى