.حبنا مكتوب عالورق للكاتب أيمن بلال

..حبنا مكتوب عالورق
حبينا بعض علي الورق
واتقابلنا برضه علي الورق
خايف من عود كبريت ناره
تقيد وف لحظة حبنا يتحرق
....................................
صورة هي اللي بلاقيها
ومطلوب أعيش الحب ليها
نسيوا يزرعوا الروح فيها
حب كل حلاوته بتتسرق
.....................................
ولامتي مجهولة وأنا مجهول
وتعدي الايام وتتغير الفصول
والزمن بيبلعنا كأنه غول
واحنا لسة بنتقابل عالورق
........................................
نفسي مرة بايديا ألمسك
و تجري وتقوليلي أسبقك
واقرب تقفي عشان أحضنك
وعينيكي تحلفني اوعي نفترق
............................................
حبيبتي مهما كان أنا انسان
مش ملاك ولا حتي جان
أنا مخلوق محتاج قرب وحنان
مش قصة حب مكتوبة عالورق
..............................................
قد ايه عدي ولا شفنا بعضنا
حتي اليوم اللي بوحنا فيه بحبنا
كنتي ياحبيبتي هناك وأنا هنا
وأجمل لحظة بيننا كانت عالورق
................................................
آسف حبيبتي مضطر للاعتذار
اللي بيننا ليل مخاصمه النهار
كأننا حبيبين اتبني بينهم جدار
وكل اللي بينهم مشاعر عالورق
.......................................................أيمن بلال