جريدة شعراء الغربة

https://www.facebook.com/profile.php?id=100008160977541&fref=nf
حصل ايه
============ عونى هشام
يحصل ايه لو كنا قرود
كنت تلاقى كبير موجود
كنت تلاقى الحب اساسهم
مزروع فى جينات المولود
------------------------
يحصل ايه لو كنا قرود
كانت الشجرة الواحده تكفى
كانت الحكمه بينا اساس
كان العدل يزيد ويوفى
لا فى غالب ولا منداس
----------------------
يحصل ايه لو كنا قرود
كان القائد هو امام
مش هتلاقى هناك خدام
كله حافظ دوره بدقه
كنت تلاقى بينا سلام
---------------------
يحصل يه لو كنا قرود
مش هتلاقى فينا نمرود
لا حزام ناسف ولا ارهاب
كله بياكل م الموجود
والغلطه لازم بحساب
---------------------
يحصل ايه لكن ما حصلشى
خايف اقول تيجى ما تصدقشى
يمكن عايش كوكب تانى
خلاص مش قايل طب معلشى
يحصل ايه لو كنا قرود
=============
عونى هشام