جريدة شعراء الغربة

 ‏ضاء الادريسي‏

‫#‏تحت_الحزام‬

قاعد تشير كلمات صور !
بتلم ع الخط الكور !
بتشجع القط الجبان !
بيفوت عليك مليون آذان !
موت الضمير اصبح قدر !
فيرس وصاب قلب ونظر !
حزنك سنين فرحك خطر !
صبرك ساعات وبتتفتن !
همك بنات طبعك نتن !
بتقول كلام ولا يتفهم !
ناسي وجاهل بالنعم !
فاشل وعايز ميت قلم !
علشان تفوق
عايش ف سوق
بتبيع كلام من غير دليل
بتمن تأذي ابن السبيل
عندك دلال عندك عبير
دلوعه م الحجم الكبير
عاجز تفرق
بين أصيل
بين المنافق والبديل
تقبل تعيش
تحت الجدار
مركوب عليك زي ............. .
حاسس خراب
خايف عمار
ياااآئس وكاره الحياه
ومافيش ف عينك
طوق نجاه
كل اتجاه عندك هلاك
ساخط على كل ابتلاء
خايف تعيش
والموت قدر
مكتوب على كل البشر
فضفض لربك ف السحر
يغفر ذنوبك لو جبل
ارمي الكسل
ارسم امل
اعشق قمر
اطلب جمل
خليك مثل
للصبر و احترم العمل
اوعاك تخاف
ح تموت جبان
احزر كمان
تظلم ، تخون ، تغدر
تكون
فاشل وجاهل بالقانون
خليك شديد وقت الغضب
خليك حليم
احزر كمان مشي الحريم
خليك كريم
حلمك تعيش لازم تقوم
احزر كمان شق الهدوم
او تبكي على لبن اتسكب
هتعيش حياتك فى الضياع
اصحاب كثير مالهاش طلب

‫#‏الظن_خير‬ يصنع سلام
كثر الكلام يجلب خطر
قاعد تشير كلمات عذاب
ولا حد جاب عنك خبر !!!

‫#‏ضياء_الادريسي‬