الغزالى الشاعر
(يا بو عوف ماهيش آمـنة)
ـــــــــــــــــــــــــــــــــــــــ
................ ..... مهداه لروح الشاعر الكبير / عبدالرحمن الأبنودى ردا علي قصيدته ( يامنة ) عام 1999
.............................................................................................
.......................................... من ديوان / نزيف الشمس
اخلع جدور الأسى
م البيت ومن يامنة
الدنيا دنيا فنا
يا بوعوف ماهيش آمنة
دنيا و فعالها كـده
تدى ويوم تاخد
ولا عمر يوم شوفتها
عن فعلها كامنة
*********
الدنيا قطر غريب
عمره ما بيهدِّى
والعمر مهما يزيد
أيامه بتعدّى
لحد لما الشيب
ياكل سواد الراس
تقول لروحك إيــه
هـدِّى يا واد هدّى
*********
عديت بلاد وبحور
وطرت فى العالى
بسى الزمان بيدور
والحالى مش حالى
لا الدنيا دى دارى
ولا ابنى عاد جارى
ولا صحبة فى قطرها
خالى القطار .. خالى
*********
والخلق دى سلسلة
حلقات فى بعضيها
أولها كان آدم
ربك وناشيها
يهزها تفرفط
حلقة ورا حلقة
و يوم ما تيجى تتم
ربك هيفنيها
*********
يا بوعوف لا تبكى البيت
لو كان بناه بيدوم
زالت قصور كسرى
زالت حصون الروم
سكِّنى بيت فى قصيد
واقرانى للدنيا
أسكن قلوب البشر
سُـكنة حياة بتدوم
*********
و يا يامــنة يا أمّنـا
يا أرض خصبة براح
مهما الكلاب ينهشوا
مهما زمانك راح
يا بوعوف باقولك وانا
شاعر أصيل فلاح
عمروش موات الجسد
بيقتل الأرواح
عمروهشي موت الجسد
بيقتل الأرواح
..........................................شعر / حامد الغزالي يوسف
ـــــــــــــــــــــــــــــــــــــــ
................ ..... مهداه لروح الشاعر الكبير / عبدالرحمن الأبنودى ردا علي قصيدته ( يامنة ) عام 1999
.............................................................................................
.......................................... من ديوان / نزيف الشمس
اخلع جدور الأسى
م البيت ومن يامنة
الدنيا دنيا فنا
يا بوعوف ماهيش آمنة
دنيا و فعالها كـده
تدى ويوم تاخد
ولا عمر يوم شوفتها
عن فعلها كامنة
*********
الدنيا قطر غريب
عمره ما بيهدِّى
والعمر مهما يزيد
أيامه بتعدّى
لحد لما الشيب
ياكل سواد الراس
تقول لروحك إيــه
هـدِّى يا واد هدّى
*********
عديت بلاد وبحور
وطرت فى العالى
بسى الزمان بيدور
والحالى مش حالى
لا الدنيا دى دارى
ولا ابنى عاد جارى
ولا صحبة فى قطرها
خالى القطار .. خالى
*********
والخلق دى سلسلة
حلقات فى بعضيها
أولها كان آدم
ربك وناشيها
يهزها تفرفط
حلقة ورا حلقة
و يوم ما تيجى تتم
ربك هيفنيها
*********
يا بوعوف لا تبكى البيت
لو كان بناه بيدوم
زالت قصور كسرى
زالت حصون الروم
سكِّنى بيت فى قصيد
واقرانى للدنيا
أسكن قلوب البشر
سُـكنة حياة بتدوم
*********
و يا يامــنة يا أمّنـا
يا أرض خصبة براح
مهما الكلاب ينهشوا
مهما زمانك راح
يا بوعوف باقولك وانا
شاعر أصيل فلاح
عمروش موات الجسد
بيقتل الأرواح
عمروهشي موت الجسد
بيقتل الأرواح
..........................................شعر / حامد الغزالي يوسف
ليست هناك تعليقات:
إرسال تعليق