جريدة شعراء الغربة

محمد الخضري

ف الأصل جبان

لبسنا الاسود
وقاعدين
ف مكان
ياريتنا عملنا
ياريتنا سوينا
ياريت......
اللى جرا
ماكان
رسمنا قلوبنا
بعد ما خبينا
على بعض
شعورنا
بعد ما قرينا
أحلام أطفالنا
وكله كان أوهام
حب صادق
لأ مقالب
وشوية أفلام
تيجى عندك
تروح لها حالق
وتقولى تعبان
وانت ف الاصل
جبان......
وهى عارفة
بس نكرة
وبتقنع نفسها
بالاحلام.......
مش حب
ولا حنان
بس ضل راجل
ولا ضل حيطة
وهو ف الاصل
جبان.....
مش قادرين نقدر
العواطف والاشجان
طالما ضحكت لى
وهو شافنى آة ياسلام
بتحبنى......
بحبك........
وجاى لأبوكى
قوام ........
وأخرتها......
نكتشف الافلام
وبأقل حاجة
نزعل ونتقمص
ونعمل أفلام
دا بص لغيرى
دى ضحكت لزميلى
ولعب عيال ف عيال
وهو ف الاصل
جبان......
وهى زيه
كمان.......
مقدروش يقدره
الموقف
وطلعت أوهام
وف الاخر
ضهرى ف ضهرك
وعامل زعلان
جتك خيبة
انت وهية
كمان و كمان .......

بقلم "محمد الخضرى"