جريدة شعراء الغربة

Mustafa Magdey

لما تسرح فى اللى فات 
ابقى هاتلى معاك شوية 
ذكريات 
بس نقيهم نقاوة 
قد المحبه والغلاوه
لما تسرح فى اللى فات
ابقى هاتلى معاك شوية
ذكريات
م اللى محفورين فقلبى
م اللى ساكنين ضلوعك
م اللى خباهم سكاتك
م اللى باشفهم تملى
مهما عينيك تخبى
لما تسرح فى اللى فات
ابقى هاتلى معاك شوية
ذكريات
م اللى بوابه الحنين
حالفه ما تفتح عليهم
م اللى ايام السنين
تايهه ودايبه فيهم
م اللى بسهر كل ليل
لاجل بس انده عليهم
لما تسرح فى اللى فات
ابقى هاتلى معاك شوية
ذكريات