جريدة شعراء الغربة

كرم شحات

........... هترحل ...........

هترحل
عادى جداً روح
حبيبى سكتك خضرا
مانيش هاضعف
واقول مجروح
ومن غيرك هاعيش بكرا
دى مش واقفة الحياة
على حد
ولآ لحظة الزمن واقف
ومين عارف دا يمكن بُعد
يكون فيه خير
ف مش خايف

هترحل
عادى جداً روح
وخد وياك أمال وطموح
لكن إياك تعودلى ف يوم
رجوعك ليا مش مسموح

مادام فكرت تنسانى
ف سهل عليك تكون جانى
قرار أصدرته وإخترته
سلام يلا الطريق مفتوح

مادام فضْلت عنى تروح
مادام مبقاش ف قُربى هَنَاك
يا أكتر مين سَعدْلى الروح
ملوش لزمه الكلام وياك

# كرم شحات #