سكة سفر للكاتبة الهام شحاته

===========
أنا وانت
عكس الاتجاه
ومش عارفين لفين رايحين
ماسحين على كل الجباه
عرق اللى فايض من سنين
نروى عطشنا بالحنين
تايهين بانحلم وبالسفر
توصل خيوطها للوتر
لكن القلوب زى الحجر
لحظه خضوع الشمس بيميل للقمر
لكننا متفرقين
مستنين لحظه صفا
تجمعنا فى سكه سفر
سارحه بتحلم بالمطر
نازل على كتاف الزمن
يخضر عمرى من جديد
مع كل تنهيدة وليد
وقت الضحى
تطرح فى قلبى
بذور بذور الافئده
وانا متأكده
انها مشتاقه للشوق
المسافر فى الاورده
الكلمه لسه كلمتى
وانا من زمن
عايشه لتكمل فرحتى
وقت الشروق
مع فروق الوقت
تكتمل الرتوش
فى عيون حبيبتى
لحظه ميلاد
المسافر
فى عيون القمر
=========
شعر الهام شحاتة سالم
من ديوان (( عاشقه ))
======================================

أعجبنيتعليق

التعليقات