وتحلالي للكاتب كرم شحات

..... وتحلالى .......

وتحلالى
ليالى القعدة مع حالى
بنفنجان شاى
أعيد ترتيب لأفكارى
واطل بعينى ع الدنيا
من الشباك
أشوف الناس
وأتعجب لعمايلها
مابين فرحان
قوى وزعلان
يروق بالى
ياعمرى مسيرها تتعدّل
بفرح معاك
وتحلالى

ياحلم الغد ناوى بجد
أشوفك عِلم قدامى
دا إصرار قلبى ملهوش حد
وتوبك هو عنوانى
بفكر واسعى
لجل انى قوام ألقاك
وتحلالى

منايا ف صحوى ومنامى
أنولك يوم دا شىء لازم
عشان تحلو أيامى
إله الكون شهيد عالم
بإنى تملى بدعى بشوق
أفوز برضاك
وتحلالى

# كرم شحات #

أعجبنيتعليق