خواطر شاعر على ضفاف النيل
لما كان النوم يخدني
والشيطان ييجي يراودني
يجي صوتك من بعيد
زي تسبيحه في ودني
قوم ياابني الفجر اذن
صلي فرضك
وارضي ربك
انت صاحيه من زمان
ايوه يابني ازاي انام
والقلق ساكن في جوفي
مانت يابني برضو امني وانت خوفي
نفسي اشوفك جنبي يابني في الحساب
لو بعدت آه يا ويلي م العذاب
مانت يابني حته مني مش تراب
عايله همك
مش كفايه امحي ذنبي
نفسي اشوفك واحضنك ف الجنه جنبي
بس يابني الدنيا لسه شرورها ياما
نفسي تسلم من شرورها ليوم القيامه
ساعتها احس اني مخلفتش للنار حطب
اتهنا بيك وارضى عليك وانسى التعب
(عبد الرحمن قطب 16/12/2015)
ليست هناك تعليقات:
إرسال تعليق