افخر ياشعبي قصيدة غنائية (لشاعر الوطن خالد الصوافطة )
افخر ياشعبي وعلي جبينك
واصمد بوجه الظلم والطغيان
ماعاش مين يهينك
قابض علىالجمر والنيران
ماهمك غير الوطن ودينك
واقف وحدك أسد في الميدان
مدافع عن القدس عينك وفلسطينك
وقدسك دمك والشريان
وبلاها كيف يجري الدم بشرايينك؟
الله ياخالق الإنس والجان
ترجع أقصانا وتحمي عرينك
حنا شعب الجبارين أهل وإخوان
ونقسم بالله أغلظ يمينك
مانترجى خير من العربان
ونتمسك بحبل دينك
عنّا تخلوا في بيروت وكانت برهان
ومافكروا لحظة في أنينك
وعلىالسفن توزعنا والشطآن
ودم الشهداء صار من تكوينك
نجود بالأرواح فدىالقدس ولبنان
وحنا ماننتظر تأمينك
ونموت بالعز وبيض الأكفان
وما نعيش بمذلة ياظالم أمام عينك
وصمدنا مثل الأسد من زمان
وياصهيون قهرنا كل مؤيدينك
مثل الوطن مافي جنان
تراب الوطن أغلى من ملايينك
ارفع راسك أنت من نسل كنعان
ومين يقدر يوم عليك ويهينك ؟
ودافع عن الأقصى ولاتكون جبان
وخل فلسطين البوصلة وعناوينك
خالد العيسى
ليست هناك تعليقات:
إرسال تعليق