جريدة شعراء الغربة

عادل الشهابى

ساعد الناس
ساعد الناس كمان تساعدك ...
وفى أى لحظه تلقاهم جنبك ..
وتكون بينهم جميله سيرتك ..
بلاش تشوف واحد مهموم ..
وتدير عنه بصر العيون ..
ده من همه ما بتغمضله جفون ..
عيينه علشان ربنا يعينك ..
ويوفقك كمان فى مشاويرك ..
والرزق يكون معاك ما يسيبك ..
مد للناس أديك ..
علشان بالنوم ترتاح عنيك ..
ومحدش فى يوم يلوم عليك ..
قوم وأسأل يلا على جارك ..
وساعده ربنا هيصلح ليك أحوالك ..
قوم وأسعد الناس بسؤالك ..
قوم وشوف مشاكل أخوك ..
ده أبن أمك كمان وأبوك ...
أزاى تنام وأخوك مهموم ..
وما يكون طايق عليه الهدوم ..
يلا روح وأمسح دمعه عنيه ..
وحنيتك أرميها يلا عليه ..
قوم وشوف الفقير ..
واليتيم اللى حيره التفكير ...
وشوف اللى يمد أيده للغير ...
عاوزين نساعد بعضنا ...
والخير يكون من طبعنا ...
ومشاكل غيرنا تهمنا ...
ساعد الناس تساعدك ...
وفى أى لحظه يكونوا جنبك ..
بقلــــم: عـــــادل الشــــــهـــابى