جريدة شعراء الغربة

مصطفى ابن معوض

ابنى شهيد

كنت تقوللى
لجل ما عينى تشبع منك
لجل ماقلبى يفرح بيك
كنت تقولى ف يوم مع انك
بعت الدنيا وكل ماليك
بعت حياتك والمستقبل
عشان مستقبل ناس بعديك

ليه ياضنايه
ياواخد حته من جوايه
إديت بلدك أيه لجدودك
لجل ماتيجى فى يوم تديك

لجل عيونها بعت حياتك
شفت مماتك
شفت خلايق تقتل فيك
وانت بتفرح باستشهادك
كنت تقوللى
لجل ما عينى تشبع منك
لجل ماقلبى يفرح بيك

كنت نصحتك
كنت هقول خليك لخواتك
دانت كبير العيله ياولدى
وخيرك عمره فى لحظه ما فاتك

أهل بلادك اهم ساكتين
اجرى ودوس راسك فى الطين
مش دول اللى فادتهم بحيتك

ابنى شهيد
وانا فرحانه
وافرح اكتر لو ويانا
وافرح اكتر لما تجينى ياولدى تقولى

لجل ماعينى تشبع منك
لجل ماقلبى يفرح بيك

كلمات
مصطفى معوض