جريدة شعراء الغربة

Dolly EllSisie

تخاريف . تخاريف . تخاريف
هاتف جالي و ع الكيف
يمكن ميكونش مهم
انما علي قلبي خفيف
----------------------------
المعني صبح تحريف
و الحق صابه الزيف
العدل مريض و ضعيف
بني ادم بقي متوحش
و الديب بقي قط اليف
----------------------------
انسان و بوجه بشوش
يتبسم في الوشوش
يطعن و متحسوش
و يبان غلبان و ضعيف
------------------------
الاخ بيسرق اخوه
و بيلعن ف الي جابوه
و يصاحب ندل خسيس
علشان قرشين و رغيف
-------------------------سيبكم كل ده تخريف
و البيه عامل حبيب
شغال نحنحه ع الويب
بيحب يا ناس علي روحه
و مفكر دمه خفيف
-------------------------- بالذمه ده مش تخريف
اسم الله عليكي يا موزه
يا حلوه انتي يا وزه
لبسالناحجاب ع الموضه
و البادي ضيق و خفيف
--------------------------- منا قولتلك تخاريف
* دوللي السيسي