جريدة شعراء الغربة

الشاعرعبدالله السايح


 .(لسه جايه تسألي)..
لسه جايه تسألي 
فيك إيه بيشدني
إنت شمسي وفيك لوني
وف حنانك خدتني
أسهر معاك أعشق هواك
يامﻻك سحرتني
في سكوتي كنت صوتي
في غيابك طول غيابك هزني
لو بعدتي أو عندتي
روحي رافضه تودني
لسه جايه تسألي
فيك إيه شدني
لما بنقرب أﻻقي
ياغرامي واشتياقي
كل حاجه تحبني
لما نبعد غصب عني غصب عنك
مش بﻻقي غنوة مني غنوة منك
مش بﻻقي بعد حضنك
حضن تاني يضمني
لوضحكتي قلبي يضحك
لوبكيتي روحي جرحك
أنسى كل الكون واسامحك
لوأسيتي أنسى إنك هنتني
إنت عمري إنت كوني
ساكنه روحي وف عيوني
أحلى صورة إطمني
لسه جايه تسأليني
فيك إيه بيشدني
لوإيديك لمسه إيدي
قلي بيكلم وريدي
عيدي تاني اللمسة عيدي
الضلوع بتضمني
قلبي بيصرخ فين تعالي
ياحياتي وانشغالي
آدي عمري وادي حالي
نظرة منك تكفيني
لما أشوفك وسط خوفك
كل نور الدنيا طيفك
الربيع يمﻻه كفوفك
وابقى حاسس الحياة بتحبني
لماأكتب لك حروفي
أنسى فى اللحظه دي خوفي
روحي على روحك تلوف
وابقى جنبك قلبي قلبك
فكري روحي ذنبي ذنبك
لو ح عتبك مش ح عتبك
وانت قلبي إنت عيني
لسه جايه تسأليني
إيه اللي بيزود حنيني
لما يبقى الحب غالي
فى زمن زاده التسالي
وانت وحدك قلب عالي
لو عطوك الكون بدالي
مش هترضي تبدلي
لسه عايزه تسألي
خدي دمي وحللي
هتشوفي
كل حاجه فيك حلوة
العيون للقلب خلوة
من شفايفك أحلى غنوة
الخدود تفاح وتسوى
الحياة لو توزني
لسه عايزه تسأليني
وانت عمري وشمس عيني
إنت دنيا بترسمي
…… (شعر)……
عبدالله السايح