جريدة شعراء الغربة

حسن الشوان
........................علي رمشي عيونه...................
....................................................................
حبيتك ذي الكتاب ما بيقول
حبيتك إعجاب وفضــول
حبيتك في كل الفصول
وسألت عليك اللي يعرفــوك
كل واحد قال انا غير مسئول
حبيتك في كل صفحاته
مابين السطـور وكلماته
حبيتك وانا بيك مجهول
بس الأمل كان جوايا
والقلب متفق معايا
انت اللي بدور عليه
وفي أحلامي بلاقيه
منهاج حواليا بيحوم
حروف وأرقام وعلـوم
في قلبي بصــــــونه
وعلي رمشي عيونه
ولما أقول أه ألقاه
يطبطب عليا بحنينه
أرتاح وأخف علي طول
وعمري بيه مشغول
ومرايتي سحر عينيه
ولما أشتاق ليه ألاقيه
بعطر الورد في إيديـــه
أتمني كل ثانيه أشوفه
أتمني كل الدنيا تراعيه
وأخاف من اللي يشوفه
والعين تقسي عليه
.........................................................................
................... كلمات ..حسـن الشـوان.... موثقة........