جريدة شعراء الغربة

محمد عبدالرحيم

لوبحبك
..........
لوقلت لك
مابحبكيش إتطمنى..
حسيها من قلبك
دقيقة تصدقى
وتقولى حلم
مادامش زى حاجات
كتير..
دا انا لو بحبك..
تبقى لازم تقلقى
..........
كان القلق..
يسرق عينيكى
فى كل يوم
وفى كل كلمة حب
اقولها تحسى بيه
كان قلبك الطيب
يغير دقته..
ينسى انه يحلم ..
تانى باللى بتحلميه
حسيها من قلبك
دقيقة تصدقى..
وتقولى حلم مادامش
زى حاجات كتير..
دا انا لو بحبك..
تبقى لازم تقلقى
..........
مين اللى يقبل
ينجرح بسم الهوى..
هوه الهوى
لو جرح ليه نتحمله
تبقى فى عينيا
وشايفة غيرى
بيسمعك..
وآدينا برضه كلامنا
لسة فى اوله
حسيها من قلبك
دقيقة تصدقى..
وتقولى حلم مادامش
زى حاجات كتير
دا انا لو بحبك..
تبقى لازم تقلقى
..........
نعم..ان احببتك..كان حقا عليك ان تقلقين ..فعشقي قلق..وقربي قلق..وبعدى قلق..وفرحي قلق..وحزني قلق..وشكي قلق..وغيرتي قلق..رضاي او غضبي قلق..وبين هذا القلق والقلق..قلق
محمدعبدالرحيم