صورة
لوحة و مطبوعة
ووشوشنا باﻷلوان
محفوظة للذكرى
والكل بيشوفها
يعجب يقول الله
ويمر بيك العمر
وتبص فى مرايتك
تسرح وتتأمل
والوش يتكلم
معقولة دا شكلي
ﻷ طبعا أثبتلي
اجري اجيب صورتي
أحداث ورا أحداث
ذاكرتنا نسيتها
محفورة فى صورتنا
تسرح تبصلها
لزمان ترجعنا
تحكيلك القصة
وتقولي إفتكري
الصورة دي كانت
ليا وأنا صغير
كانت مع إخواتي
ووالدتي ووالدي
أيام كانت حلوة
والضحكة من قلبك
والصورة تجمعنا
فى مناسبة كات حلوة
أعياد ميﻻد وزواج
أو رحلة جماعية
مع أهلي وصحابي
لقطات كانت حلوة
وقليلة و نادرة
لكن لها معنى
دلوقتي تتصور بضحكة ظاهرية
قاعد بتشرب شاي
وف إيدك الجوال
تاخد صورة سلفي
وكأن ده إعﻻن
ﻻروح وﻻ معنى
أجدادنا كانوا زمان
بيحافظوا عالصورة
زى التراث والماس
حافظين وشوش الناس
الموجودين فيها
جدي يقول ده فﻻن
وفﻻن ده كان صاحبي
وبيشتغل صحفي
وصورة ورا صورة
والجد يحكيلك
وتشدك اﻷحداث
ويقول خﻻص الناس
دي أصبحت ذكرى
والصورة حفظتها
وهي دي الفكرة
دي مبقتش موجودة
غير بس فى الصورة
بقلمي "فيفي صيام"
ليست هناك تعليقات:
إرسال تعليق