ثاير فدا ارضو
حالف ليحمى الدار ويساعد الثوار
ويتم نوع فرضوا
فبلاش بقى تعيبو
وتقولوا وتجيبو
كل العيوب فينا
ده الهم ماليكم والدم مالينا
احمد اللى اتقتل او حتى كان مينا
مش شرط نوع الدين
مش شرط مين فينا
.
.
كان واقف ساعتها الزمن وبيشهد الاحوال
الٌف كتاب سمٌاه (ممنوعه للاندال)
ممنوعه للى احتقر ومتاحه للى اتخان
التربه دى للوطن كات فرصه للاسكان
والعمر كان لحظه والحلم اصله كابوس
الضربه جت من ورا والنطق كان محبوس
جرحت كيان الولد فا ساعتها رد وقال
(الموت عشان الوطن يجعلنى ف الفردوس)
.
.
ياهل ترى دورى او مين هايسبقنى
سواء بعيد عنى سواء ده كان جارى
سواء غريب ان كان او كان بيعشقنى
مش فارقه صدقنى
المعنى ف الاخر بيؤدى نحو الموت
وشهيدنا لو يرجع هايعيد ف افعاله
والحرب لو خدعه فا المكر اصله سكوت
والشخص لو يدعى يلقى الفرج جاله
.
.
الصعب اصلوا جبان
مش عيبو لا والله ده الرك ع الانسان
احنا اللى بنزيد ف محتوى الموضوع
احنا اللى بنزيد ف جرعة الدخان
وان كان على الادمان
فا احكى وبزياده
يشرب يقول ندمان ويكرر العاده
وان كان على الانسان
فا الحق اصلوا جبان و الحكمه ف الكتمان
ماتردوا ياساده
.
.
انا عمرى لما ابتدى
شاف العذاب الوان
العدو صال واعتدى يامعشر الفرسان
افرش صوان للخير وحداد على الجدعان
وانزل ف يوم واهتف يمكن تلاقى مكان
ده الصح اصله بعيد
والعيبه ف الامكان
والكل بقى ف شرود ووطنا شىء معروض
مسجون عليه حلمنا من سالف الازمان
.
.
رافض اعيش عاله
رافض اكون حاله
وهاتنتهى بعدين
رافض اسيب دمنا رافض اعيب حلمنا
ماتقولى ياعمنا
الصبر اجيبو منين
او قولى من فضلك العمر رايح فين
او قولى معلشى
الحب يبقى ازاى
علمنى اكون البطل ف المشهد الجاى
.
.
يارب
ارحمنا من نفسنا
وارحمنا من غيرنا
اوهبنا تغييرنا
لكن الى الافضل
ادينا رزق كتير
استرنا م التدمير
عسرنا بالتيسير
وادفعنا للنصر
انصرنا 100 مره
خلى الغريب بره
واجعل شبابنا ف مصر
.
#محمود_عبدالكريم
ليست هناك تعليقات:
إرسال تعليق