جريدة شعراء الغربة

Mohamed Salem

قادر تتداوى ضحكتك
***************
قادر تدارى دمعتك قادر تتداوى ضحكتك
قادر تعيش نفس المصير اللى يبدل خطوتك
قادر تكون زى الوحوش اللى بتحرق فرحتك
قادر تنام وسط العلل وتموت فى حضن مخدتك

قادر تكون من غير ضمير وتعيش وتبدر أسوتك
قادر على ظلم البشر اللى الشيطان بيه كتفك
قادر تشوف غدرك يطوف اللى الزمن بيه غلفك
قادر تبدل ألف لون قادر تخون ليه عشرتك

موج الدموع من غير رجوع تلقاه بيطوى صفحتك
توب السواد بعد العناد تلقاه بيطفى شمعتك
فجأه الطريق عليك يضيق تلقى الضلام بيموتك
محمد سالم