جريدة شعراء الغربة

الشاعرة رضا عبدالوهاب

أجمل ما فىّ شىء منك
أجمل ما فيك شىء منى
شريانى يجرى فيه دمك
وقلبك يدق.... بدال منى
ياعشقى وحبى وجنونى
ياوطن....... وجوده فاتنى
بحوره غصونه...... أطياره
وكل مافيه....... ساكنى
أجمل مافىّ شىء منك
أصرخ ...أبكى..تجرى دموعى
وتهدى جراحى... لما أضمك
عشقت حبيت على ايدك
وأول حرف ناديته وغنيته كان اسمك
أنا قل لى ..لولا وجودك لولا جودك
ما كنت بقيت ولا اتسميت
ولا فنى........ عشق فنك
أجمل مافى ...شىء منك
ياوطن....... ونيله شريانى
بيجرى فى روحى وفى دمى
عشقت براءة فى عيونك
ودمعة تدور.... على خدك
ونبتة غلة..... فى ربوعك
ونخلة تكون.... غدا وضلى
أجمل ما فىّ شىء منك
أجمل ما فيك شىء منى
ياوطن ......حروفه وكفوفه
شايل غيرى..... وشايلنى
يلم ضفايره يعقدها يلملمها
يمد ايديه ويحميينى فى ساعة
الغرقة يرفعنى ...على بره
يطلعنى وفوق صدره يدفينى
وفى جبينه ....نبت سنى
أجمل ما فىّ.... شىء منك
يامصر ونصر...وعزيمة..ياقلب
وحب وكفاح..يا وردة وشوكها يحميها
وتكبيرة مساجدها .....بتحييها
مسا وصباح..يا وطن والوطن غالى
ويا ما ضاع عشانه وراح ..ونفديه
بروح الروح ..ولا نخلى ..ولا نبخل
ولا نرتاح لو أى حد ...خدك منى
أجمل ما فىّ شىء........ منك
أجمل ما فيك شىء .......منى
قصيدة(أجمل ما فىّ)
29/6/2004
‫#‏الشاعرة_رضاعبدالوهاب‬