جريدة شعراء الغربة

Wael Elnaggar Almarisi

:جزء من
{في زمن الإنترنت}

الكل رقص ع التت
والناس زي المجانين
والعيل فهم الكفت
وكبارنا مش فاهمين
وانا عقلي خلاص حيشت
في زمن الإنترنت
صفحات داخل صفحات
عن ماضي وحاضر وآت
واتس اب وفيس وتويتر
واهو كلو دخل ع الشات
وان جبت كتير لايكات
تبقى انت الواد الفت
في زمن الإنترنت
ودخلنا خلاص في متاهه
صاحيين نايمين جواها
على طبل ورقص ونقص
وأغاني ولا سمعناها
ولا حد فهم معناها
يرحم أيام الست
في زمن الإنترنت

:بقلم
(وائل النجار المريسي)