جريدة شعراء الغربة

Ahmed Amer

.................. قالوا بانى مختلف ......................

قالوا بانى مختــــــلف
والشكل كله اختــــــــــــــــــلاف
انا لونى اسمر م البلح
حتى المعـــــــــــــــانى باختلاف
وان دينى مختـــــــلف
وان صبرى مـــــــــــــــــن شقاف
ولوانكسر بنفتته وبنطحنه
وعشايا ميــــــــــــــــه وخبز حاف
وان انا مش ادهــــــــم
والفكر حتـــــــــــــــــــى باختلاف
والهيئه شكل السمكرى
منفعش اقعـــــــــــــــد باصطفاف
مع انى مســـــلم زيهم
وربى هـــــــــــــو ربهم
وكتابى قــــــــــرأن ربنا
ولغتى تســـبق عندهم
لكنى برضه مختــــــلف
والفقر عنوان الاختـــــــــــــــــلاف
والفكر عندى منحرف
والدم مش لون دمهم
ماهو اصل كل همهم جمع الفلوس
لو بت انا وبدون لحـــــــــــــــــــاف
بقت الفلوس اصل النفوس
مع ان علمى يزلهم وقت العفـــــاف
لكن كلامهم سمهم
وسمنى لانى عايش بالكفـــــــــاف
ده فكرهم ده عرفهم
منفعش حتى بعندهم احضـــر زفاف
والحب مش من عرفهم
ولا له لـــــــــزوم لازم تخــــــــــاف
والقرب منه مجـــــــزره
لو تنتبه وقــــــــــــــــــــت الجفاف
وان الحرام بطبعهم مشروع وعادى
بس المهم اكون غنى او بالمـعادى
وحتى لوخنت الوطن ومع الاعــادى
ولو نطقـــــــــــــت وربنا
اقوله ايه وقت الحســـــــــــــــــاب
تلقى الكلام فار دمنا
والكل يبـــــــدأ بالعتـــــــــــــــــاب
وبيقنعونى بانه رزق
اما الضمــــــــــــــــــــير تايه وغاب
واحس انى مختلف
مش زيهــــــــــــم
انا اصلــــــــى خايف م الحســـاب
معرفش اعيش بالشكل ده
واحس انــــــــــــــى عايش بغـاب

........................ احمد عامر .............................
ننوه ان ماينشر مسجل بالهيئات المنوطه بذلك 3824/2013 س م ب