....................أول حب
وتلف بينا الحياه بسواقيها وتدور
وياخدنا الزمن علي موج البحور
نطلع لفوق وننزل علي الأشواك
ونغرق في دوامة زمن مسحور
........
وبين بداية ونهاية نعيش حياه
فبها فرح وفيها حزن وفيها آه
سطور عمرنا بنكتبها لمنتهاه
ونطوي صفحة زمن بقي مهجور
.......
وتفضل منه فينا ذكري لبكرة
وبين ليلة وليلة تهل الذكري
علي دمعة ف فرحة علي فكرة
يازمان وكان في الحياه ليك نور
.......
عاشقين ولسة زمن العشق فينا
فاكرين يازمن ولا عمرنا مرة نسينا
بس الحياه ساعات تاخدنا وتلهينا
بس بنرجع مهما ف سواقيها بندور
.......
كبرنا يازمن والذكري ف شبابنا
ليالي كانت وبترجع بيها حياتنا
لسنين كانت وكان الفرح زادنا
نفتكرها نلقي ف قلوبنا طاقة نور
.......
وأنا وانتي مهما كان بيننا حكاية
عشنا فيها البداية ولاعشنا النهاية
بس بيننا حاجة بتجيلنا بندهاية
غنوة بيننا كانت حواليها قلوبنا تدور
........
وهي دي الحياه بتدينا وتاخد مننا
ساعة تسعدنا وساعات تاخد فرحنا
ومهما الزمن مر ياأول حب ف عمرنا
يفضل هواك ف قلوبنا زمن من نور
ليست هناك تعليقات:
إرسال تعليق