بعت شمسك بالغروب
**********
شوفت لون توبنا الحزين عشت الألم دوقت الحنين
شوفت الخطاوى والحكاوى وإزاى وشوش إتبدلت بعد السنين
عشت العدم وصراخ ندم زى طير أبيض سجين
وإنكويت بحصار ونار وإتدهم بيك الجدار وسط القلوب المجروحين
وفصول كتير إتغيرت والخلق فيك إتحيرت تبقى إنت مين
إنت أهل كتاب ودين ولا أهل الغدر داب فيهم سنين
بعد الخطايا والذنوب نفسك فى عز ضلال تتوب
بعد العلل بعد الملل بعد الضمير اللى إندفن وسط الدروب
بعت القلوب بعت شمسك بالغروب
كنت عايش بالأدب ودخلت سرداب العيوب
بعد إيه نفسك تتوب بعد سيل الدم مش نافع هروب
والباقى ليك دفع التمن نجل ترتاح القلوب
محمد سالم
ليست هناك تعليقات:
إرسال تعليق